LAOAG CITY – Nairekord ti 295 a pasyente ti nalaingan manipud ti panagpositibo da ti COVID-19 ditoy probinsya.
Manipud iti datus ti gobyerno probinsyal, 68 dagiti nalaingan ditoy siudad ti Laoag, 56 iti siudad ti Batac, 52 iti ili ti Bacarra, 49 iti Pinili, 17 iti ili ti Banna, 11 iti Currimao, 10 iti Dingras, agpada a walo iti Sarrat ken Burgos innem iti Piddig, lima iti Vintar, uppat iti San Nicolas, ken maysa iti Badoc.
Kabayatanna, nagpositibo iti 248 nga umili, no sadinno nga umabot iti 48 ditoy siudad, 38 iti Paoay, 32 iti Bacarra, 23 iti Marcos, 21 iti siudad ti Batac, 13 iti Bangui, 11 iti ili ti Solsona, siyam iti San Nicolas, ken Currimao, walo iti Dingras, pito iti Piddig ken Badoc, agpada nga innem ti positibo iti ili ti Sarrat ken Nueva Era, uppat iti Adams, tallo iti Vintar, dua iti Pagudpud, ken maysa iti Banna.
Awan met ti nairekord a pimmusay gapu ti COVID-19.
Umaboten iti 13,290 ti kaso ti COVID-19 ditoy probinsya, nga addaan iti 4,298 nga aktibo kaso, 8,836 recoveries ken nagtalinaed a 156 dagiti pimmusay.
