LAOAG CITY – Dumanonen iti 50 a ribu a dagiti Palestinians ti natay iti inwayat a panangraut ti Israel idiay Gaza.
Ti bilang a 50,021 ket katukad ti 2.1 a porsiento ti 2.3 a milyon a pre-war population ti teritorio.
Basar iti Palestinian Health Ministry nga adda pay ti 113,274 a nasugatan iti insidente.
Immunan nga inrakurak ti United Nations Human Rights Office nga agarup 70 a porsiento dagiti biktima ket dagiti babbai ken agtutubo.
Maipalagip a nangrugi ti gubat idi rimmaut ti Hamas iti Israel idi Oktubre 7, 2023 nga adda ti 1,200 nga indibidual a kaaduan kadagitoy ket sibilian ti pimmusay ken 251 met tin a-hostage.
