LAOAG CITY – Bimmaba ti bilang dagiti prank calls a naawat ti Unified 911 Hotline.
Segun kenni Department of the Interior and Local Government (DILG) Secretary Jonvic Remulla, daytoy ket apaman nga adda tj system update.
Inbatad na a manipud Setyembre 8 agingga iti 24 ket nakaresponde da ti 872,586 a tawag manipud iti hotline.
Maibilang met nga addaan ti 98.62 percent nga efficiency rate daytoy.
Iti pakabuklan ket adda ti 1,495 ti maikonsiderar a prank idinto a 12,223 ti bilang ti dropped wenno abandoned calls.
Karaman iti upgrade da ket ti geolocation no sadinno maamoan da no sadinno ti naggapoan ti tawag isut gapo na nga adda dagiti mabuteng a mangluko iti tawag.
