LAOAG CITY – Bimmaba ti bilang ti “weakened” guerilla fronts ti New People’s Army (NPA).
Dqytoy ti inpablaak ni National Security Adviser Secretary Eduardo Año.
Segun ken Año, manipud iti dati a bilang dagiti maibilang a nakakapsut a guerilla fronts a pito ket bimmaba daytoy iti lima.
Gapu iti daytoy ket patien ti opisyal nga agtultuloy ti pannakawaswas ti New People’s Army sakbay pay nga agngudo ti tawen 2024.
Kinunana a ti pannakalapped ti armado a pannakidangadang ti Communist Party of the Philippines – New People’s Army ket saan a kayatna a sawen a nalpasen ti laban.
Innayonna a nasken pay laeng a maipamaysa ti panangliklik iti panagrekrut ken agtultuloy a maitandudo ti dialogo ken konsultasion iti nagduduma a sektor.
Iti kaudian a report ti Armed Forces of the Philippines (AFP), dimmanon iti dandani 1,400 ti bilang dagiti kameng ken supporters ti Communist Terrorist Group a napapatay ken simmuko iti gobierno.
