LAOAG CITY – Namnamaen ti Bureau of Internal Revenue (BIR) a dumanon iti binilyon a pisos ti makolektarda a buis manipud iti dumurdur-as nga industria ti e-marketplace kalpasan nga inpadalanna dagiti online sellers iti withholding tax system.
Segun ken ni Bureau of Internal Revenue Commissioner Romeo Lumagui Jr., saan pay a makaipaay ti tantiya ti Bureau of Internal Revenue no mano ti makolektar daytoy manipud iti pannakaipataw ti withholding tax kadagiti online sellers.
Naammoan a ti plano Bureau of Internal Revenue a mangipataw ti withholding tax iti merchant kadagiti e-marketplace ket nagepektibo idi Hulio 15, 2024.
Iti babaen ti Revenue Regulation (RR) No. 16-2023 daytoy, kagudua ti pakabuklan a remittances ti e-marketplace operations ken digital financial services providers kadagiti aglaklako wenno merchant para kadagiti negosio wenno serbisio a binayadan iti babaen ti platform-da ket dumalan iti 1% creditable withholding tax.
