LAOAG CITY – Dimmanon iti $2.86 billion ti doliar nga impatulod dagiti overseas Filipino workers (OFWs) iti Abril ita nga tawen ti 2024.
Segun iti Bangko Sentral ng Pilipinas (BSP) nupay 3.1 percent a nangatngato ngem idi napan a tawen iti isu met laeng a bulan no sadinno daytoy ti kababaan iti 11 a bulan.
Mainaig iti daytoy, ti 3.1 percent ket manipud iti tallo a porsiento nga iyaadu ti remittances nga impatulod dagiti land-based workers nga addaan iti nasurok a makatawen a kontrata a katupag ti nasurok a $2.1 bilion.
Ti sea ken land-based ket addaan iti nasurok a maysa a tawen a kontrata ken ngimmato ti 3.6 a porsiento agingga iti $620-M.
Kabayatanna, maysa kadagiti mabalin a makita makita ti Bangko Sentral ng Pilipinas iti panagbaba ti Overseas Filipino Worker remittances kadagiti sumaruno a bulan ket ti panagbannayat ti ekonomia iti Estados Unidos ken dadduma pay a pagilian a pakaigapuan ti pannakapukaw ti trabaho ti dadduma nga Overseas Filipino Worker.
