LAOAG CITY – Inpakaammo ti Bureau of Internal Revenue a bimmaba ti nakolekta nga excise tax ti pagilian iti umuna nga innem a bulan ti tawen 2024.
Manipud Enero agingga iti Hunio, naurnong ti excise tax iti P139.64 billion.
Daytoy ket 3.31 porsiento a nababbaba ngem iti P144.41 bilion a naurnong iti umuna nga innem a bulan ti 2023.
Kayatna sawen a 36 porsiento ti nagbabaan ti collection goal a P219.43 billion iti uneg ti innem a bulan.
Mamati ni Bureau of Internal Revenue (BIR) assistant commissioner Jethro Sabariaga a posible a mahabol daytoy apaman a maipaulog ti baro tax measures kas iti pannakaipaulog ti excise tax iti single-use plastic.
