LAOAG CITY – Inpakaammo ni Engr. Jonathan Corpuz iti National Food Authority (NFA) ditoy probinsya a bassit dagiti mannalon a mapan aglako ti irik.
Patien na a daytoy ket gapu ta kaykayat dagiti mannalon ti aglako kadagiti traders gubuay ti agdama a presyo ti irik nga umabot iti 19 a pisos iti kada kilo.
Nu pay kasta, kuna ni Corpuz nga iti laksid daytoy ket adda ti makaumanay a pondo ti probinsya nu bilang masapol para iti relief operations.
Inbatad na nga iti agdama ket adda ti pondo nga agarup 40,000 a sako ti irik ken 9,000 a sakot ti bagas a mausar agingga intuno Agosto.
Inlawlawagna a nu bilang adda ti panakurang ti suplay ket awan ti pagamakan gapu ta adda ti pondo a mabalin nga aggapo iti NFA-ABRA ken NFA-Ilocos Sur.
Kabayatanna, mangnamnama ni Corpuz nga aprubaran ti NFA ti proposal mainaig iti pannakaipangato ti irik iti agingga 21 a pisos iti kada kilo.
