LAOAG CITY – Kinumpirmaran ni Dr. Loida Valenzuela, ti provincial veterinarian ditoy probinsya a bimmassit ti suplay ti karne ti manok.
Segun ken ni Valenzuela, kaaduan a contract growers ti probinsya ket piyek pay laeng dagiti taraken da rason a bassit pay ti harvest.
Mainaig iti daytoy, inbatad na a ti nayun a rason a limitado ti suplay ket ti nangato a demand ti karne ti manok agraman ti itlog.
Innayun na a dakkel pay a makaapektar iti suplay ket ti sakit iti poultry wenno ti Avian Flu wenno Highly Pathogenic Avian Influenza.
Kabayatanna, kuna ni Valenzuela a saan a maliklikan ti posible a panagngato ti presyo ti manok gapu iti bassit suplay.
