LAOAG CITY – Inbatad ni Mr. Pepe Damo, dealer ti ikan ditoy Ilocos Norte a bimmasit ti suplay ti presko nga ikan ditoy probinsya.
Kuna na a a kaaduan kadagiti mailaklako iti agdama ket frozen wenno dagiti aggapo iti sabali a pagilian.
Segun ken ni Damo, ti makitkita na a rason iti panagkurang ti suplay ket ti nangina a krudo a mausar dagiti mangngalap ken iti transportasyon.
Inbatad na a daytoy pay ti makaapektar ti sapol dagiti aglaklako ti ikan.
Immuna iti daytoy, inpakaammo ni damo a ti kangrunaan a narigat a maala a suplay manipod iti sabali a lugar para ditoy probinsya ket ti Tilapia nga aggapo iti Pampanga, ken ti bangus nga aggapo iti Bulacan ken Manila.
Innayun ni Damo nga adda ti suplay ti presko nga ikan ngem ad-ado dagiti saan a malako wenno babassit nga ikan.
