LAOAG CITY – Inbatad ni Mr. Jhon Rey Salud, ti Presidente ti North Main Canal iti ili ti Vintar nga adda dagiti variety ti bin-i a naipaay kadagiti mannalon ti saan da a mapadakkel.
Segun kenni Salud, alisto nga agdawa dagitoy ken dagiti variety kas iti SLA ket saan a maiyannatop iti lugar da a pakaimulaan dagitoy.
Inpetteng na nga adda dagiti variety a saan a dumakkel iti maysa a lugar ngem mayat iti sabali nga area nga isu ti kalikagom da a masolbar.
Kunana a gapo iti daytoy ket malugi laeng dagiti mannalon ken masayang dagiti mait-ited kadakuada.
Gapo iti daytoy, inbatad na a pasyaren kuma met dagiti technician ti talon dagiti naipaayan ti bin-i tapno makita no napintas ti panagdakkel dagitoy wenno saan.
Mainaig iti daytoy, kunana a no adda ti maangay a meeting ket dagiti laeng Representative dagiti agriculture office ti mapmapan agat-atendar ken saan a masungbatan dagitoy dagiti kalikagom da a mismo a maamoan.
