LAOAG CITY – Maisagsaganan ti kaso a maipila kontra ti maysa a baro a nangawag ti “police patola” kadagiti kameng ti pulisya ditoy ciudad ti Laoag.
Nabigbig daytoy a ni Kennedy Austria, agtawen ti 22, baro, agtrabtrabaho iti ME Shopping Center Corporation, taga Barangay Quiom, Batac City ngem agkaskasera ditoy ciudad ti Laoag.
Segun ken ni SPO2 Eric Bumagat, ti mangidadaulo iti PNP Traffic Division, bayat ti panangiyuswat da ti clearing operations ket nangngeg na nga inbalikas kadakuada ni Austria ti “police patola”.
Gapu ti daytoy, napanna inasitgan ni Austria tapno tiliwen na ken idi nagammatan na ket nagrisitir ti suspek isut gapu na a nagpatulong kadagiti kakadwa na.
Sumango ni Austria ti kaso a resistance and disobedience to a person in authority.
