LAOAG CITY – Kinumpirmaran ni Bombo International News Correspondent Clarissa Colcol idiay Amman, Jordan ngem tubo iti ili ti Solsona a positibo daytoy iti UK covid-19.
Iti eksklusibo nga innuman ti Bombo Radyo Laoag ken ni Colcol, Pebrero 13 idi malpas ti panagquarantine na gapu iti immunan a panagpositibo na ti covid-19 wenno ti Sars-Cov2.
Nu pay kasta, kuna na nga idi Pebrero 15, dimmalan manen iti swab test ket dita a nagpositibo ti UK-variant.
Gapu iti daytoy, kasapulan manen ti sabali a panagquarantine na.
Kabayatanna, inbatad na nga adda ti nurse a mangob-obserbar kenkuana iti kada lima nga oras ken daytoy pay ti mangited kadagiti kasapulan na.
Immunan nga inpakaamo ni Colcol nga agawan agadda ti gurigor na ken arigna kimmaro ti marikriknana.
Nu pay kasta, kuna na nga agtultuloy a lumablaban ken mangnamnama a malaingan iti kabiitan a panawen.
Maipalagip nga immunan a nagpositibo iti covid-19 ni Colcol idi Enero 30 pakairamanan dagiti amo na nga isu ti nakaaran na ti nasao a sakit.
