LAOAG CITY – Ibilang ni Bombo International News Correspondent Grace Villavicencio iti Shanghai China a fake news dagiti agwarwaras online maipapan iti “international health concern”.
Kunana a nakigtot da laengen gapu ta makabasbasa da kadagiti impormasyon seknan iti baro nga epidemic nga influenza A, Human Metapneumovirus (HMPV), mycoplasma pneumoniae, ken ti COVID-19.
Inpettengna nga awan ti aniaman a madamdamag da seknan iti daytoy.
Inpakammu pay ni Villavicencio nga nakasagana ti gobierno ti China, nangruna dagiti balay pagagasan no inkaso nga agraira manen ti Covid-19 iti nasao a pagilyan.
Iti agdama ket normal ti taray ti panagbiag dagiti Pilipino ken Chinese iti China.
