LAOAG CITY – Inpannakkel ni Mrs. Marilou Pasalo, mangidadaulo iti Bingao National High School iti ili ti San Nicolas ti pannakaestablisar ti Gender Neutral Comfort Room.
Inbatadna a daytoy ket naipatakder babaen iti panagkikinamayet dagiti Parent Teacher Association officials nga indauloan ni SPTA president Mr. Wilfred Quidilla ken dagiti mannursuro iti nasao a pagadalan.
Segun kenkuana, daytoy ket napintas a proyekto, nangruna iti agdama a henerasyon tapno bigbigen dagiti amin nga indibidual ti aniaman a gender identity wenno gender preference da ken tapno maliklikan ti aniaman nga diskriminasion.
Innayonna a dagiti naipasdek a comfort room ket saan laeng para kadagiti estudiante ket para pay kadagti agbalin a bisita.
Kabayatanna, patien ni Mrs. Pasalo a ti nadakamat a pagadalan iti maysa kadagiti kaunaan a pagadalan ti nakaestablisar ti gender neutral comfort room ditoy probinsia.
