LAOAG CITY – Napadayawan ti Binggao Small Water Impounding Association ti Bgy. Binggao iti ili a San Nicolas a kas National Rice Achievers Award babaen ti Dept. of Agriculture.
Pinasingkedan daytoy ni Municipal Agriculturist Norma Calamayan.
Segun kenkuana, plake ken 500 a ribo a pisos ti naited kadakuada kas pammadayaw.
Kuna na nga addan plano ti asosasyon no no ania ti pangaramatan da ti nasao a premyo.
Mamati ni Calamayan a nagun-od ti Binggao Small Water Impounding Association ti ballaigi gapu iti napintas a kooperasyon ti tunggal miyembro ti asosasyon kadagiti programa ti gobyerno ken ti kinnamyet da iti lokal a gobyerno.
