LAOAG CITY – Simmangpeten idiay South Korea ti Pinay girl group a BINI tapno atendaran ti “Billboard K Power 100” idiay Seoul.
Napili ti grupo ti Billboard Philippines tapno maipaayan ti pammadayaw iti “Voices of Asia Awards”.
Manamnama a kantaenda ti baro nga hit song a “Cherry On Top” iti nasao nga event.
Saan met a mailemmeng dagiti miembro ti grupo nga isuda Mikha, Stacey, Maloi, Sheena, Jhoanna, Colet, Gwen ken Aiah ti gagarda nga ag-perform iti nasao nga event ken awaten ti pammadayaw.
