LAOAG CITY – Inrakurak ti P-pop girl group a BINI nga addaanda ti pre-show performance iti KCON Los Angeles inton Hulio 27.
Basar iti KCON USA a maysa ti BINI para iti pre-show ti “M-Countdown” stage.
Saggaysa met a nag-post kadagiti online account dagiti miembro ti BINI no sadinno saanda a mailadawan ti gagar a marikriknada para iti show.
Ti KCON ket maikonsiderar a kadakkelan a K-pop festivals nga inorganisar ti Korean company a ti gagemna ket tapno mapadakkel pay ti industria ti K-pop.
Ita a tawen ket maiyuswat daytoy iti Los Angeles idiay US, Germany ken Saudi Arabia.
Maipalagip a kadagiti naglabas a tawen ket naangay daytoy idiay Hong Kong ken Japan.
