LAOAG CITY – Nagballigi ti BINI iti 9th P-pop Music Awards, pinaneknekanda a ti 2024 ket sigurado a tawenda. Ti Pinay P-pop group ket nakagun-od ti kaadduan kadagiti kangrunaan nga awards pakairamanan ti Artist of the Year, Song of the Year ken Album of the Year a nangpatibker iti posisionda iti industria ti P-pop.
Nakagun-od met ni Josh Cullen ti SB19 ti dua nga awards: ti Collaboration of the Year para iti kanta a “Yoko Na” pakairamanan ti hip-hop artist a ni AlJames ken ti Solo Artist of the Year a nagmarka iti balligina kas maysa a solo artist.
Kabayatanna, ni Maki ket nakaawat met ti pammigbig babaen ti Breakthrough Artist of the Year award pakairamanan ti Favorite Streamed Artist award a pammaneknek a lumatlatak daytoy.
Naammoan a ti nasao nga awards a naiyuswat iti New Frontier Theater ket gagem a mapadayawan ti panagdur-as ken dagiti balligi ti industria ti P-pop ken selebraran dagiti artista nga agtultuloy a mangpadpadur-as ti kasikatanda.
