LAOAG CITY – Naiget ti panagsagsagana ti girl group a BINI para iti BINIverse World Tour-da.
Mangrugi daytoy iti Philippine Arena inton Sabado.
Basar iti grupo a magagaradan gapu ta daytoy ti umuna a gundaway nga agpabuyada iti Philippine Arena.
Naammoan a kalpasan ditoy Pilipinas ket agturongda idiay Singapore, Estados Unidos, Dubai ken London.
Inpasingked ti grupo kadagiti fans nga adda ti naidumduma a mabuyada a saanda a nabuya kadagiti naglabas a sold-out concerts iti Araneta Coliseum iti napalabas a tawen.
