LAOAG CITY – Mabalin a maawanan iti binulan a cash subsidy dagiti kwalipikado a solo parent intono 2027 no saan a maaprubaran ti amendments ni Gabriela party-list Rep. Sarah Elago iti 2027 General Appropriations Bill.
Inlungalong ni Elago ti P2.3 billion a pondo para iti Monthly Cash Subsidy for Solo Parents kalpasan a saan a napondoan iti proposed national budget iti sumaruno a tawen.
Iti babaen ti Republic Act 11861, makaawat iti minimum a P1,000 kada bulan ti kwalipikado a solo parent a minimum wage earner wenno nababbaba pay.
Insingasing pay ni Elago ti P532.4 billion para iti production subsidy program ken ₱250 billion para iti Agricultural Disaster Compensation Program ti Department of Agriculture.
