LAOAG CITY – Mangipatungpal ti Bureau of Internal Revenue (BIR) ti national crackdown kontra iti panaglako ken panagusar ti peke a person with disability (PWD) identification cards (IDs) kalpasan a nalugi ti gobyerno manipod iti tax evasion scheme nga umabot iti P88 billion.
Iti maysa nga statement, inrakurak ni Bureau of Internal Revenue Commissioner Romeo Lumagui Jr. nga inbilin nan iti amin nga opisyal a makitinnulong iti dadduma nga ahensiya ti gobierno tapno malapdan ti panagusar ti peke a person with disability (PWD) identification cards.
Inpetteng ni Lumagui a ti ‘revenue losses’ manipod iti panagusar ti peke nga person with disability (PWD) identification cards ket umabot iti P88.2 billion iti laeng tawen 2023.
Basar iti babaen ti linteg ket karaman kadagiti benepisyo ti person with disability ket ti 20% discount ken exemption manipod iti value-added tax (VAT) iti sumagmamano a trade ken serbisyo.
Nupay kasta, kuna ti Bureau of Internal Revenue a dagiti tattao nga awan ti konsensya na ti manggungundaway iti nasao a sistema iti babaen ti panaglako da ti peke person with disability (PWD) identification cards kadagiti mananggundaway ken desperado a mairaman iti benepisyo.
