LAOAG CITY – Manamnama a mangiwayat ti Bureau of Internal Revenue (BIR) ti linawas a surveillance ken raid kadagiti illegal vape resellers ditoy pagilyan.
Segun ken ni Bureau of Internal Revenue Commissioner Romeo Lumagui Jr., awan ti agbalin nga illicit vape smuggler no awan ti illicit vape retailer ken reseller.
Basar iti rekord ti ahensya, umaboten iti 408 dagiti vape retailer a na-raid ti ahensya iti Bulacan, Manila City, Quezon City, San Juan City, Makati City, Las Pinas City, Pangasinan, Benguet, Isabela, Laguna, La Union, Pasay City, Albay, Iloilo, Cebu, ken Bohol manipud Enero 1 agingga October 16.
Adda pay dagiti vape retailer iti Leyte, Bukidnon, Misamis Oriental, Surigao del Norte, Butuan, Agusan del Sur, South Cotabato, Davao, Negros Occidental, Negros Oriental, ken Ilocos Sur nga imonmonitor da.
Ti kaawan ti internal revenue stamp ken rehistro manipud iti Bureau of Internal Revenue ket maikosiderar ilegal.
Agtultuloy met ti imbentaryo nga iwaywayat ti Bureau of Internal Revenue kadagiti vape product a makumkumpiskar da.
