LAOAG CITY – Nagballaag ti Bureau of Internal Revenue (BIR) iti publiko a saan nga insigida a mamati kadagiti agwarwaras iti online a tax payment reminder.
Inbatad ni Bureau of Internal Revenue commissioner Charlie Mendoza, naipadanon kenkuana ti nasao a peke a tax payment reminder nga agus-usar pay ti logo-da.
Inlawlawagna a nasken nga agbalin nga alerto dagiti tax payers ken pakaammoan ti opisinada no adda dagiti naawatda a demand letter nga usar ti nagan ti opisinada.
Kunana nga amin nga opisial nga iparparuk-ada a tax communications ket manipud kadagiti official channels-da.
