LAOAG CITY – Inpasingked ni Ms. Marilou Sapungan, ti revenue district officer ti BIR ditoy probinsya a nagun-od ti opisina ti target goal para iti umuna a semester iti tawen 2022.
Kuna na a daytoy ket addaan ti kabuklan a 1.67 a bilyon a pisos, 2.2% a nangatngato ngem iti naudi a koleksyon itay napan a bulan.
Inbatad na a daytoy ket nangatngato pay iti 59% nu maikompara ti nakolektar iti kapada a semester itay napan a tawen.
Kabayatanna, inpakaammo ni Sapungan nga inbilian ni BIR commissioner Lilia C. Guillermo a saan nga agpakampante iti nakolektarda kontribusyon ket masapol a 30% ti pagsobraan ti makolektar a manipod iti target.
Naamoan nga iti maikadua a semester iti tawen 2022, masapol a makakolektar ti BIR ti 1.70 bilyon a pisos.
