LAOAG CITY – Bimmaba iti 60 a porsiento ti birok dagiti mangngalap a Pilipino iti Scarborough Shoal gapu iti maipatpatungpal a fishing ban ti China iti West Philippine Sea.
Inbatad ni Pamalakaya Provincial Coordinator Joey Marabe idiay Zambales, sipod idi adda dagiti Chinese vessels iti nasao a kabaybayan ket marigatandan nga agkalap kadagiti nagduduma a klase ti ikan.
Inyarigna ti maysa nga operator ti fishing boat idiay Zambales a manipud iti P10,000 a birok iti panagkalap idi awan pay ti fishing vessel ti China, ita ket dumanon laengen ti nakurkurang a P4,000 a birok iti tunggal panagkalap iti baybay nga asideg iti Scarborough Shoal.
Kunana a manarimaanen ti pannakikoordinarda kadagiti dadduma pay a fisherfolk operators ken dadduma pay idiay Pangasinan ken La Union tapno masigurado ti problema iti panagkalap iti lugarda.
Immunan a nagpanawagan ti Pamalakaya ken ni Presidente Ferdinand Marcos Jr. a solbaren ti problemada tapno maalay-ayan ti epekto iti pamastrekanda ti presensia ti fishing vessel ti China iti Scarborough.
