LAOAG CITY – Makapartuat ti rinibu a trabaho ti naipasdek nga Integrated Coconut Processing Facility idiay Misamis Oriental a kaunaan nga integrated coconut processing facility iti intero a pagilian.
Inbatad ni Presidente Ferdinand Marcos Jr., mapattapatta nga agarup 2,500 a direkta a trabaho ti mapartuat a pasilidad a kabaelanna ti agiproseso ti agingga iti 60 a ribu a pedaso ti niog iti kada aldaw tapno aramiden nga innem a kangrunaan a produkto.
Naammoan a pakairamanan ditoy ti coconut pallet, coconut board manipud iti bunot, activated carbon, coconut water, coconut sap, harina ken skim milk manipud iti nagian ti niog.
Mabenepisiaran ditoy ti sumurok-kumurang 66 a ribu a mannalon ti niog idiay Misamis Oriental habang idinto a manamnama a ngumato ti birukda gapu iti value-added processing.
Manipud iti dati a presio a ₱8–₱10 iti kada kilo, target ti proyekto a maipangato daytoy iti ₱16–₱18 iti kada kilo.
Ti pannakaipasdek kadagiti pasilidad ket manamnama a mangpatibker met iti posision ti Pilipinas kas maysa kadagiti kangrunaan a coconut producers iti intero a lubong kagiddan ti panagdur-as ti panagbiag dagiti mannalon ken mangmangged iti sektor ti panagniog.
