LAOAG CITY – Naglikodan ni Bise Mayor Jessie Ermitanio iti ili ti Marcos, Ilocos Norte nga adda ti pannakainaig na ti pannakapapatay ti maysa a suspek a nangtambang iti grupo da idi Abril 4 iti daytoy a tawen a nakatayan ti drayber na a ni Jesrel Rumbaoa.
Segun kenni Ermitanio, ni Joey Sia a residente ti Barangay Cabittaoran, Nueva Era a mapapati a miembro ti gun for hire ket makatulong kuma kenkuana tapno maamuan ti mastermind iti pannakatambang ti grupo na.
Inbatad ti bise mayor a kalapsan ti pannakatambang ti grupo na ket nagsarita da kenni Sia ken awan ti pannakainaig na iti panagtambang.
Mamati ni Ermitanio nga adda ti pannakainaig ti politika ti pan nakatambang ti grupo na ken pannakapapatay ni Sia.
Inadmitir ni Ermitanio nga idi kalman kuma ket agkita da kenni Sia tapno ibutaktak na ti mastermind ti pannakatambang ti grupo na ngem saan a natuloy.
