LAOAG CITY – Naiyawat ti Resolution of Commendation kadagiti estudiante ken coaches iti Sarrat National High School.
Daytoy ket kalpasan iti panakagun-odda iti pammadayaw iti World International Mathematical Olympiad a naangay idiay Kuala Lumpur, Malaysia idi Enero 5 agingga 8, iti agdama a tawen.
Daytoy a resolution ket mangipakita iti panangkablaaw manipod kadagiti sangapulo ket dua Sanguniang Panlalawigan ditoy probinsia nga idadaulwan ni Bise Gobernador Cecelia Araneta Marcos.
Segun ken ni Bise Gobernadora, daytoy ket panangipakita ken selebrasion dagiti ubbing iti kinalaing da iti benneg iti matematika.
Maipalagip , a nasurok 40,000 nga estudyante ti naglalaban ken 12 iti nakipagpaset iti nagduduma a pagilian karaman ti Pilipinas iti nasao a kompetision, no sadinno ng aaggapo iti Sarrat National High School ti napagasatan a kampeon ken nangiyawid iti nagduduma a sertipiko ken pammadayaw .
Kabayatanna, agtultuloy met iti panagensayo dagiti ubbing agsipod ta maangay ti final round a idiay Guandong Macao inton umay a bulan.
