LAOAG CITY – Naglikudan ni Vice Mayor Jeofrey Saguid iti Dingras, Ilocos Norte ti alegasyon nga agidiaya ti 20 ribo a pisos para kadagiti SK chairman tapno botosan da ti kaanakan na para ti SK federated chairman ti nasao nga ili.
Inpetteng ti bise mayor a mismo a ni Mr. RJ Pinera ti nalawag a naggatang ti botos sipud pay idi SK ken Barangay eleksyon para ti kaanakan na iti Barangay San Marcos ti nasao nga ili.
Innayon na nga iti daytoy panagbotos ti SF federated chairman ket maipagarop nga agididiaya manen ni Pinera ti 20 ribo a pisos para kadagiti sk chairman tapno botosan da ti anak na met nga agbalin nga SK federated chairman.
Inbatad ni Saguid a mismo a ti barangay chairman ti Barangay Guerrero ti napan na kinumkumbinsir kasukat ti 20 ribo a pisos.
Kabayatanna, naiget a naglikudan ni Mr. RJ Pinera ti alegasyon kenkuana ni Vice Mayor Jeofrey Saguid iti Dingras, Ilocos Norte.
Inpetteng ni Pinera a no pudno ti alegasyon kenkuana ti bise mayor ket ag-affidavit dagiti maibagbaga a napan na kinasarsarita nga SK chairman ken naggatgatangan na ti botos.
Kuna na pay nga agresign laengen wenno isaklang da daytoy no pudno ti nasao nga alegasyon kenkuana.
