LAOAG CITY – Kinondenar ni Vice Mayor Windell Chua iti ciudad ti Batac ti pinagpost ni Sang Panglungsod Member Lucky Bunye bayat ti panag privilege speech na.
Daytoy ket gapu iti saanna a panangpabor ti ordinansa a maikkan ti tulong dagiti kabagyan dagiti residente ti ciudad nga agnanaed iti sabali nga ili.
Kunana a nagsarita koma ti konsehal bayat ti pannakatratar ti nasao nga ordinansa saan ketdi a nagpost iti social media ken saan koma a rimwar bayat ti panagbotos da.
Mainaig iti daytoy, nagpadispensar iti naisawang na a dakes iti comment na ngem no ti pagbasaran ket ti English language ket kayat na a sawen daytoy ket saan nga agpaypayso wennu swiniswitik.
Kabayatanna, inlawlawagna a ti gakat ket adda ti limitasyon na ken saan a basta kabagyan no dike ti dakdakamaten ti ordinansa ket ti anak, tatang, ina ken asawa.
Maipalagip nga immunan nga inaprobaran ti Sang panglungsod ti ordinansa a napaulwan ti Crisis Assistance to Respond Emergency Situation wennu CARES.
