LAOAG CITY – Nakasagana a sungbatan ni Vice Mayor Vicentito Lazo ti alegasyon ni Sangguniang Panlungsod Member Jason Pepera a maipagarup a diskriminasyon iti parte kalpasan a saan a napastrek iti City Hall tapno agatendar ti regular session.
Kuna ni Lazo a nawaya ni Perera a mangipila ti reklamo gapu ta adda ti pannusa kadagiti mangdiscriminate kadagiti maseknan nangruna no mapaneknekan.
Inbatad na nga idi isuda ti naipadalan iti swab test ken idi rimwar ti negatibo a resulta da ket intultuloy da ti idadalan da iti 14-day quaratine tapno masigurado nga awanan da iti COVID-19.
Innayon na a daytoy kuma ti kayat da nga ipaaramid kenni Perera.
Naamuan ti Bombo Radyo Laoag a nabagaan ti maysa a seretary babaen kenni Lazo nga ipakaammo na kenni Perera a saan pay laeng a sumrek.
Adda ti am-ammo to Bise Mayor manipud iti korte a nagkita da Perera ken ti APOR a kameng ti PNP iti maysa a lugar.
Nupay kasta, inadmitir ni Perera a nagkita da ti APOR ngem nagpatingga laeng iti panagpinnayapay da.
