Makikaysa ti pamilya Jacinto iti Brgy. 2 ditoy siudad ti Laoag iti kada tawen a “Panata iti Black Nazarene” idiay Quiapo, Manila.
Naamuan a kas paset ti programa, idi pay rabii ket nangidiaya ti Samiweng Singers ti Ilocos Norte National High School kadagiti gospel songs ken daduma pay.
Nasurok a maysa a dekadan nga iwaywayat da ti panaglibot iti kada Enero 9.
Maangay ti misa iti oras ti alas dos ti malem iti mismo a compound ti pagtaengan ni Mrs. Luzviminda Jacinto kalpasan na ket maisaruno ti libot iti oras a magna iti P.Gomez St., Bacarra Road, Rizal St., lumabas iti Laoag City Hall, Hernando St. ken agsubli iti mismo a pagtaengan ti nasao a pamilya.
Maipalagip a maipagarup a nagmilagro ti Black Nazarene gapu iti panagarubos ti dara iti ulo na.
