LAOAG CITY – Inruaren ni BlackPink member Jennie Kim ti umuna a solo album daytoy.
Iti online account-na ket inburayna ti sumagmamano a ladawan no kasano a nabukel ti album-na a “Ruby.”
Ti agtawen ti 29 a singer ken rapper ket isuna ti maikapat ken maudi a miembro ti BlackPink a nangiparuk-at ti solo album.
Iti album-na ket kaduana ti panagkanta dagiti sumagmamano a nalalatak a singer kas kada Dua Lipa, Dominic Fike, Childish Gambino, Doechii ken dadduma pay.
Maipalagip a kadagiti naglabas a bulan ket nangiruar ti solo album ti miembro ti Blackpink nga isuda Rosie iti album daytoy a “Rosie,” Jisoo iti album daytoy nga “Amortage” ken Lisa iti album daytoy nga “Alter Ego.”
