LAOAG CITY – Inpakaammo ni Miss Edna Orcino, ti Chapter Administrator ti Philippine Red Cross-Ilocos Norte Chapter nga al-alisto ti agkiddaw ti dara para kadagiti blood donor.
Kuna na a dagiti indibidwal a nagdonar ti dara ket otomatik nga addan ti reserba na a dara.
Segun kenni Orcino, dagiti blood donors ket maikkan ti blood cards a mabali da nga isakada no agkasapulan dagitoy ti dara.
Inpakaammo na a ti reserve blood dagiti blood donor ket mabalin nga usaren para iti bukod da a bagi, kabagyan wenno sabali nga indibidwal a kayat da a tulungan.
Innayon na nga uray adda iti sabali a lugar ti ayan ti indibidwal a pangitedan ti dara ket mabalin gapo ta adda ti 102 a networks ti Philippine Red Cross iti intero a pagilian.
