LAOAG CITY – Balligi a naisayangkat ti Blood-Letting Activity iti Brgy. 19-A, Tambidao iti ili ti Bacarra.
Segun ken ni Mr. Reygie Miguel, ti Municipal Chairman ti Philippine Guardian Brotherhood Incorporated ti Bacarra Eagles Chapter, napintas daytoy a wagas tapno makatulong dagiti agkasapulan ti dara ken mamati daytoy nga adda ti pagsayaatanna iti bagi no maikkatan ti dara.
Inbatadna a nasurok 70 ti bilang dagiti miembro ti organisasionda ngem saan amin dagitoy ket nakapasa kabayatan iti pannakaarisitda gapu iti nababa unay a dara ken awan pay ti makatawen sipod naalaanda ti dara.
No pay kasta, 14 laeng ti balligi a nakaidunar ti dara a kaadduan kadagitoy ket umuna a darasda a mangidunar ti dara.
Daytoy nga aktibidad ket nagbibinnuligan ti Philippine Red Cross, Barangay Officials ti Brgy. Tambidao iti ili ti Bacarra, dagiti miembro ti Philippine Guardian Brotherhood Incorporated Bacarra Eagles Chapter ken ti Bombo Radyo Laoag kas Media Partner.
