LAOAG CITY – Agbinnulig ti Liga ng mga Barangay ken iti Mariano Marcos Memorial Hospital and Medical Center iti ciudad ti Batac para iti maisayangkat a blood-letting activity.
Segun ken ni Liga ng mga Barangay President Ryan Pascua, maangay ti nasao nga aktibidad intono Marso iti mismo a nadakamat nga ospital.
Kuna ni Pascua a tallo nga individual iti kada lokal a gobierno ti i-require da a makipaset iti blood-letting activity.
Maipalagip a naisayangkat manen ti bloodletting acitvity idi Oktubre iti napalabas a tawen.
Patien ni Pascua a babaen iti panagidonar ti dara ket ad-adu pay a biag ti matulungan.
