LAOAG CITY – Inpakaammo ni Doctor Rufino Crabaljo, ti Municipal Veterinarian iti ili ti Bacarra nga adda dagiti sumagmamano a baboy iti Barangay Buyon ti nasao nga ili a naalaan ti blood sample.
Daytoy ket kalpasan nga adda dagiti natay a baboy no sadinno a ti dadduma ket pangganakan ken fattening iti sitio Callutit iti nadakamat a barangay.
Inbatad ni Crabaljo a kinasarita dan dagiti opisyal ti barangay a saan da pay laeng nga agisyu ti sertipikasyon no adda dagiti mayat nga agiruwar ti baboy na agingga a saan a maamoan ti resulta ti blood sample dagiti natay a dingwen.
Innayon na a babaen iti daytoy ket maliklikan ti possible a pannakaiserrek ken pannakaiwaras ti African Swine Fever (ASF) virus iti ili ti Bacarra.
