LAOAG CITY – Nakasaganan ti Bureau of Jail Management and Penology (BMJP) para iti Eleksyon 2025, no sadinno a nasurok a 31,000 a Persons Deprived of Liberty ti agbotos iti nasurok nga 400 special polling precincts iti uneg dagiti pagbaludan iti intero a pagilian.
Daytoy ti inbatad ni Bureau of Jail Management and Penology spokesperson Jail Superintendent Jayrex Bustinera iti maysa a press conference.
Kuna na nga adda met iti agarop 1,000 a Persons Deprived of Liberty ti mairuwar tapno mapan da agbotos iti community precincts.
Segun ken ni Bustinera, karaman iti proseso ti Commission on Election, Philippine National Police, dagiti jail officers, ken mapalubusan pay dagiti observers basta dumalan da iti security inspection.
Kabayatanna, inpakaammo ni Bustinera nga adda ti 7 a Persons Deprived of Liberty nga agpaidasig ita nga eleksyon karaman ditoyen iti kina-senador, kongresista ken dagiti lokal a posisyon.
Inpetteng ti Bureau of Jail Management and Penology nga adda ti karbengan nga agbotos dagiti Persons Deprived of Liberty malaksid no napaneknekan a guilty iti sangsangwen na a kaso.
