LAOAG CITY – Kalikagom ni Ilocos Norte Board Member RJ Fariñas a bisitaen ti Provincial Engineering Office ti dua a dalan a naperdi iti ili ti vintar gapu ii nakaro a panaglayosna nga epekto iti agtultuloy a panagtudona iti kallabes.
Segun ken ni Fariñas nga isu ti akin district assignment iti nasao nga ili, a bimmisita daytoy iti Barangay 28 Poblacion Norte ken 29 Poblacion Sur tapno kitaen ti inpadanon dagiti residente a naperdi a dalan.
Ti nasao a dalan ket agturong iti Barangay Dagupan a daytoy ti kangrunaan a pagdalyasatan dagiti estudiante ken dagiti residente.
Kinunana nga iti agdama ket agususar dagiti estudiante ti bangka ken balsa tapnu makadalyasat dagitoy.
Malaksid iti daytoy, kunana a problemada pay ti dalan nga agturong iti barangay hall gapu ta uray motor ket saan a makadalyasat ditoy.
Nupay kasta, kalikagom ni Vice Governor Matthew Marcos Manotoc a maamoan ti naananay a detalye ti nasao a dalan tapnu insigida ti pannakaresolbar daytoy.
