Agtultuloy ti panangsebseb dagiti kameng ti Bureau of Fire Protection ti maur-uram a bodega ti plastik iti Brgy. Pias Sur, iti ili ti Currimao.
Naamoan a ti nasao a bodega ket kukua ni Mayor Edward Quilala iti nadakamat nga ili ken banbantayan ti maysa a Chinese national.
Kabayatanna, iti panagturong ti Bombo Radyo iti lugar, ti BFP Pinili, BFP Badoc ken BFP Batac pakairamanan ti BFP Currimao dagiti agtitinnulong gapu iti kinapigsa ti uram.
Rumrumuar a naaramid laeng iti light materials ti nasao a bodega isut gapu na nga alisto a nagramram ti apoy.
Iti agdama, saan pay a masinunuo nu mano ti pakadagupan dagiti nadadael iti nasao nga uram.
