LAOAG CITY – Inkari ni Bokal Hanson Chua nga agtultuloy ti panangipapaay na ti diskwento kadagiti transport groups, mannalon ken mangngalap a mapan iti gas station da.
Nupay kasta, inlawlawag ni Chua a dagiti laeng adda ti maipakita na nga Identification Card (ID) a mannalon wenno mangngalap ti ipaayan da ti diswento idinto a dagiti agpaspasada kadagiti pampubliko a transportasyon ket umdasen ti iturturong da a lugan a makita da.
Inbatad ni Chua nga uray idi saan pay a ngimmato ti presyo dagiti produkto a petrolyo ket mangipapaay dan ti diskwento kadagiti maseknan.
Innayon na nga ipaayna amin a mabalin na a maitulong kadagiti nasao a sector, ngem saanna a maikari no long-term daytoy.
