LAOAG CITY – Kinondenar ni Sang Panlalawigan Member Joefrey Saguid dagiti nagsasaruno a pammaltog iti ili ti Dingras, aglalo ket babbai dagiti nagbalin a biktima.
Inbatad na nga adda dagiti sayangguseng a maipagarop a love triangle ti makaigapu ngem masapol nga iyuray ti agbalin a resulta ti imbestigasyon ti Philippine National Police.
Inpetteng a narigat ti agpabasol nga awan ti pagibasaran ken no adda koma ti agtestigo kadagiti napasamak a krimen ket alisto laeng a masolbar.
Kabayatanna, kas dati a mayor ken residente iti ili ti Dingras ket inpasigurado na a saan a makaapektar dagiti nasao a pasamak iti linak, urnus ken talna iti nadakamat a lugar gapu ta saan met a maipanggep daytoy iti pulitika.
