LAOAG CITY – Kinomendaran ni Board member Atty. Saul Lazo kas Chairman ti Committee on Education dagiti nakapasa iti Physician Licensure Examination ditoy probinsia.
Segun kenni Lazo, daytoy ti manggutgutigot kadakuada nga itultuloy ti mangsuporta kadagiti programa ti Provincial Government babaen iti panangaprobar dagiti pondo para kadagitoy.
Mainaig iti daytoy, kunana nga adda ti main-inaw a baro a programa a kalikagom da Gov. Cecilia Araneta Marcos kenni Vice Governor Matthew Marcos Manotoc para kadagiti makiparpartisipar iti Math Olympiad.
Karaman ditoy ti pannakaipaay ti scholarship kadagiti estudyante a mapan iti sabali a pagilyan ken kalikagomda a matulungan.
