LAOAG CITY – Maisagsagsaganan ti kaso kontra kenni Fire Officer 3 Reymundo Atud iti BFP Laoag ken dagiti tallo pay a kakabsat na kalpasan ti panangdangran da iti maysa a pamilya idi rabii iti Barangay Madiladig ditoy ciudad.
Daytoy ket kalpasan ti napasamak a panagdangran dagiti agkakabsat iti pamilya Molina partikular iti ina ken ti agtawen ti 12 anak na.
Ummuna iti daytoy, basar iti impormasyon, bayat nga aggi-inom dagiti agkakabsat ket maipagarop nga adda ti nangsabwag kadakuada ti danom ken ti pinabasol da ket ti pamilya Molina.
Kalpasan daytoy, maipagarop a rimmaot dagiti uppat nga agkakabsat iti pagtaengan ti pamilya Molina no sadinno a maipagarop a dinadael da dagiti tawa, dinanog da ni Mrs. Molina, natungpa ti agtawen ti 12 nga anak daytoy ken nasuyatan met ti danom ti agtawen ti dua nga ubing.
Gapo iti daytoy, napan naganawa ti kabsat ni Mrs. Molina a ni Jimmy Domingo ngem binakal na babaen kadagiti kitchen utensils ken maipagarop a nagpangta pay dagiti agkakabsat a papatayen da dagitoy rason a nagreport da iti PNP ken natiliw ti bombero ken barbero ngem nakalibas dagiti dua pay a kakabsat da ken agpapan ita ket saan pay a nabirukan.
Naamoan a ti maipila a kaso kontra kadagiti agkakabsat partikular ti RA 7610, physical injury ken maad-adal pay no anya ti nayun a reklamo.
Kabayatanna, nagkedked ni FO3 Atud a mangipaay ti komento wenno reaksyon mainaig iti daytoy.
