LAOAG CITY – Nagkamang iti PNP-Laoag ti maysa a kameng ti BFP kalpasan a maipagarop a dinangran ti kayong na a kameng ti Civil Security Unit ditoy ciudad.
Nabigbig ti biktima a ni Senior Fire Officer 1 Victor Apostol Caise, 48, naasawaan ken residente iti Barangay 6 ditoy ciudad idinto a ti suspek ket ni Eligio Ariel dela Cruz Mateo, 48, naasawaaan ken residente iti Barangay 7, Laoag City.
Ti nasao a panagdangran ket napasamak idi Setyembre 3 ita a tawen bayat nga aggi-inom dagitoy kadwa da dagiti papagayam da.
Basar ti report, bayat ti panaginom da ket nagsinnungbat ni Mateo ken ti ina na ken ditoy a naganawa ni Caise ngem kellaat a dinanog ti suspek ti rupa ti biktima iti naminpat a daras.
Naamoan a naganawa pay ti barangay tanod a ni Francis Bill Guerrero, 26 ken residente met laeng iti Barangay 6 ditoy ciudad ngem gandaten latta ti suspek a danogen ti biktima.
Naitaray iti Laoag City General Hospital ti biktima para iti pannaka-agas na.
