LAOAG CITY – Naiget ti panagbantay dagiti otoridad kadagiti border ditoy probinsya kontra iti African Swine Fever.
Segun kenni Dr. Loida Valenzuela, provincial veterinarian, naiget a mainspeksiyon dagiti cargo truck a surmek ditoy probinsya nangruna kadagiti nagkarga iti baboy wenno pork products.
Nakasentro pay iti imatang da kadagiti online seller no sadino ti maaramat dagiti cargo truck a pagideliver.
Inbunannag ni Dr. Valenzuela nga adda pay dagiti pinagsubli da gapu iti gandat a pannakailusot dagiti baboy.
Nagtalinaed nga awan ti kaso ti ASF ditoy probinsya ken isu ti maysa a namnamaen dagiti sabali a probinsya a paggatangan ti baboy ken kalakaan iti presyo ti karne ti baboy.
