LAOAG CITY – Inpakaammo ni Ms. Maria Lacy, wenno mabigbig iti nagan na a Lola Maria, iti Houston, Texas ken tubo iti ili ti Piddig nga agamak iti possible a pannakaswitik ti botos na para iti US Presidential election ita a tawen.
Kuna na a kaykayat na pay laeng ti agbotos a personal iti kaaldawan ti eleksiyon intono Nobyermbre 3.
Segun kenni Lacy, kaykayat na pay laeng nga ibotos ni Presidente Donald Trump intono eleksiyon.
Innayon na a ti estado ti Texas ket maysa a Republican Stateiti Estados Unidos.
Naamuan a ni Lola Maria ket maysa kadagiti kameng ti Board of Advisor ti Piddiguenious Association of North America wenno PANA.
