LAOAG CITY – Maysa a bote ti arak a cognac ti nakagun-od ti world record gapu ta naggapu pay daytoy idi panawen da King Louis XIV ti France ken King William III ti England.
Kinumpirmaran ti records keeping organization a Guinness World Records a ti bote ti 1696 Jules Robin Cognac ti baro nga akin-iggem ti titulo a “World’s Oldest Cognac.”
Daytoy ket naaramid pay idi 1696 ket agtawen daytoyen ti 328 no sadinno daytoy nga arak ket kukua ti kolektor a ni Lars Janssen a taga-Netherlands.
Ti Cognac ket maysa a klase ti brandy a naaramid iti bayabas a naggapu iti rehion ti Cognac idiay France isu a naawagan daytoy a Cognac.
Naammoan nga adda dagiti naiget a pagannurutan a maipatpatungpal iti panagaramid ti Cognac pakairamanan ti panagusar ti klase ti bayabas, ti distillation process a nasken nga aramiden iti mamindua a daras iti copper pot stills ken ti panagbayag iti oak barrels ti saan a bumaba iti dua a tawen.
