LAOAG CITY – Nangiyetnag ti Business Process and Licensing Office iti ili ti San Nicolas ti iskedyul para kadagiti walk in applicants para iti business renewal manipud kadagiti nagduduma a barangay iti nasao nga ili.
Naikeddeng ita nga aldaw, Enero 3 ti Barangay 1 ken Barangay 2, Enero 4 para kadagiti Bookkeepers ken ti San Nicolas Public Market.
Naammoan nga inton Enero 6 ti Barangay 16, 17 ken 18, Enero 7 ket ti Barangay 19, 20 ken 21, Enero 8 ket ti Barangay 22, 23 ken 24, Enero 9 ket ti Barangay 14 ken 15, Enero 10 ket ti Barangay 12 ken 13, Enero 11 ket dagiti Bookkeepers ken dagiti negosio iti dakkel a mall.
Mainaig iti daytoy, inton Enero 13 ket ti Barangay 10 ken 11, Enero 14 ket ti Barangay 7, 8 ken 9, Enero 15 ket ti Barangay 4, 5 ken 6, Enero 16 ket ti Barangay 2 ken 3, Enero 17 ket dagiti negosio iti San Nicolas Public Market ken iti dakkel a mall iti ili ti San Nicolas, Enero 18 ket para kadagiti Bookkeepers idinto nga inton Enero 20 ket nakalukaten para kadagiti amin a barangay.
Naammoan a nakalukat ti Business Process and Licensing Office iti ili ti San Nicolas manipud Lunes agingga iti Sabado, iti oras ti alas otso ti bigat agingga iti alas singko ti malem.
Kabayatanna, gutgutigoten ni Ms. Jane Mary Pila, mangidadaulo ti nasao a pangopisinaan nga usaren ti IBPLS system para kadagiti walk in applicants.
